Misy andro (ketaka kely)

Misy andro tsara izay
Ireo vehivavy ho tsara endrika
Ny masoandro hahamay
Ho foana koa ny erikerika

Misy andro mampiray
Izay jerena toa mahitsy
Hamela heloka amin'izay
Fa ny olana tsy misy

Misy andro ihany koa
Ifampitoriana ilay fitia
Hianoka e ! izy roroa
Hifaly sy hiriaria

Misy andro hanomezana
Tsy hitsitsiana ny eo antanana
Ka ho zary fihomehezana
Ny tsy fisiana , tsy fananana

Misy andro hahatsiarovana
Ireo tantara tany aloha
Ka topimaso nifamatorana
D'efa ampy hamohafoha

Misy andro hifaliana
Hivetsoana , hihirana
Tanteraka ny faniriana
To izay mba nokasana

Misy izany andro izany !!!

Ketaka kely
--------