ny taniko. (lamour)

tsy hamidy tsy atakalo
f'handrianina s'hajaina
tsy omena 'zay mpandalo
fa ho lovain'ny sombin'aina

tsy vahiny sanatria
no hifehy sy hitondra
f'ireny mety hiova dia
mety handroba ireo diamondra

ny an'ny hafa ve lanjaina
fa ny antsika dia hitsahina?
sanatria tsy eken'ny saina
raha mbola endrim-panjanahana.

ry sakaiza mifohaza
mijoroa sy misehoa
aza mety hatao hoe zaza
fa lehilahy misy ambom-po

tsy 'zay vola na harena
no hivarotana 'ty tany
f'ireo vatosoa sy volamena
samy antsika jiaby 'zany

ka tsy hamidy tsy atakalo
tsy omena 'zay mpandalo
fa tanintsika ,tanindrazana
tsy omena ireo mpitazana.

lamour.
--------