Vonona (Nofy2)

Efa fantatra fa tsy ho anjara
Kanefa tsy te hahalala
Nikiry, niezaka hatrany
Sao misy vahaolana ihany

Izy roa efa vonon-kiady
Na mafy aza ireo mianjady
Na inona sedram-pitia
Ny tanjona dia ho doria

Ny saina efa vonon-kandresy
Ireo loza izay mbola hifanesy
Tsy kivy ny fo manantena
Na inona zava-mitsena

Izay ilay fitia vitsim-panana
Tsy nihevitra ny hiverin-dalana
Mandroso tsy misalasala
Na efa hita izao fa voarara

Nofy2
19 Oct 2011
--------