NY FO TIA (Ora)

Ny Fo tia dia mahatsiaro mijaly ary tena marary
Tsy mba manana vava afaka hilaza ilay hirifiry
Kanefa impiry no mikainkona mora mahatsiaro tola
Tsy mba afa-miteny raha sendra ireny lefo-maranitra
Fa mbola miharitra
Mitempo malaky manao haingam-pandeha
Mihazakazaka tsy mahalala lanaka mba ho aiza no aleha
Ny olona manana ilay Fo Tia tsy sarom-pantarina
Be fandeferana miandry hotiavina
Tsy sahy mamboraka amin’ilay olotiana
Fa misento mangina, mijaly tsy satry, marary anaty
Migoka ny gidin’ny aretim-pitia
Noho ilay FO TIA.
ORA
--------