HAFATRA (Rabetokotany Latiana (Petakasoa))

HAFATRA

Nisy HAFATRA niantefa
Voaraiko ato ampo
Hokoloiko tsy hilefa
Ary tsy avelako ho lo

HAFATRA mahamirana
Amin’ny andro manjombona
Antoka ifikirana
Tsy ahatafa-torombina

HAFATRA mampiavosa
Ny fifaliana tsaroana
Izay atao toa misosa
Raha vao IZY no antsoina

Inona ary ilay HAFATRA ?
Raha azonao antsaina, lazao
Sady fy IZY no fatratra :
“Aza adino fa izaho tia anao”

PETAKASOA

Alarobia 19 aogositra 2015

21:36
--------