Embona (Rafa)

Roa taona lasa izay
No nandaozanao anay
Neny tiako tsy atakaloko
Voaloam-pitia sady mamiko

Misaotra tamin’ny fotoana niarahana
Tao ny tsiky, tomany ary koa fianarana
Neny o! ato am-poko mandrakizay
Ilay fitiavanao tsy maty fa mamaivay

Hisaorana Ianao Andriamanitra Ray
Ny nanomezanao an’I Neny malalanay
Nandritry ny taona maro tety an-tany
Zay hinoako fa mbola hiaona indray andro any

Aza mijery na misaina ny lasa hoy ny Tompo
Teny mampitraka tsy misy toloko
Fa indro Izaho hanome zava-baovao ho anao
Izay fampanantenana ho amin’ny fiainanao

Koa matokia ry namako zay efa nandao
Na Ray, Reny, zandry, zoky, namana, havanao
Mitrakà mahereza hiatrika hatrany
Raiso Jesosy Tompo fa ao Aminy tsy misy tomany
--------