Mifamatotra (RAKOTONJANAHARY Tojosoa Ejicà)
(Nalaina tao amin'ny vetso.serasera.org)
Zava-miafina aminao ny momba ahy Nefa nitia ahy ianao tsy mba nanahy
Misitery tamiko ny mombanao
Saingy efa resy aho, resinao
Izany ve no atao hoe Fitiavana ?
Koa izaho sy ianao no nanao finiavana
Niezaka nitambatra ho tena iray
Sa kosa efa anjara nomen’ilay Ray ?
Nitohy ny fitiavana ,fitia no nitaiza
Koa tsapako anaty ilay tena sakaiza
Dia ianao irery ihany tsy nisy nahasolo
Ny fitiavako rehetra efa anao manontolo
Nanontany anao aho, hiteny sy hilaza
Ireo momba anao izay tiako hazava
Tohina mafy ny foko no nalahelo
Raha notsorinao ahy ilay tsiambaratelo
Nampitombo ny fitiavako anao anefa izany
Koa ny senton’ny foko mbola ianao irery ihany
Tsapako sahady fa tandrify ahy
Ilay olon-tiana izay tsara fanahy
Resinao tanteraka ny fitiavako
Asa raha mba tsapanao izany rahavako
Izany no mahatonga ahy hatramin’izao
Tsy mitsahatra foana mananatra anao
--------
Lien:
Catégorie :
Fitiavana
Fans:
veroniquetoty - ramarilina - jeanlouisbetela - bango.harilaza - eugenie.laurence619 - theophile.felicien - Jacque JDV - robinjules619 - guyvhyra - RAKOTONJANAHARY Jean Baptiste - groupestmkserafima - RAKOTONJANAHARY Tojosoa Ejicà - tiahservice
