Tsy Anjara (RAKOTONJANAHARY Tojosoa Ejicà)
(Nalaina tao amin'ny vetso.serasera.org)
Noho ny baikon’ny Fitia Izay tsy azo lavina satria
Mangirifiry ato anaty
Koa ahiana hahafaty
Tsy natao hiray ve isika
Toy ny fitiavan’ny mpivahiny
Koa nanjary nangatsiaka
Ilay Fitiavana fahiny
Ny fifaliako fotsiny rahavako
Dia tena izy ilay fitiavako
Izay efa nafoiko ho anao
Koa nataonao kilalao
Tsy mampaninona ahy izany
Raha hetraketrakin’ny tany
Inona moa no azoko atao ?
Ianao tia ary efa lao
Mba hamintinako izay
Dia misy teny kely iray
Hadinoy ilay tantara
Fa ny antsika roa tsy anjara
--------
Lien:
Catégorie :
Fitiavana
Fans:
veroniquetoty - bibshaid - ramarilina - Eliasy - jeanlouisbetela - eugenie.laurence619 - theophile.felicien - Jacque JDV - robinjules619 - RAKOTONJANAHARY Tojosoa Ejicà - tiahservice
