Fanainga lavitra (raozigasy)

Vinany mamy, riam-betso
Sombin-kalo an-tsomamby
Indray mikalo am-betsovetso
Te hampita tambitamby

Safosafo arahin-tsefo
Orokoroka mamelona
Kaikikaikitra marefo
Indray mitanina miselona

Tambatambatra angola
Lokilokim-peo konaina
Vaitram-pitia mamon-dola
No sary azoko an-tsaina

Rehefa injay ianao nofisiko
Ka mandravaka ny alina
Adinoko ireo indrisiko
Ny fanainga lavitrao ka lalina
--------