Raha lonaka (raozigasy)

Raha lonaka ianao
Mitandrema sao
Tsy mahafehy tena
Ka mizarazara hena

...Raha vokatra fitia
Tandremonao akia
Ny mampanofanofa
Sao sendra ny tsofa

Raha toa ka toba-tsiky
Mitandrema iky
Sao mivarobarotra
Ka sendra zava-tsarotra

Raha toa mitady safo
Fadio re ny mandafo
Sao voavidy ambongadiny
Ka trobaky ny angadiny

Araho am-pahendrena
Ilay onjam-batan-tena
Manofisa anaty
Hivoahan’ny tsy tanty
--------