Veloma ianao Shoan (raozigasy)

Nantsain'i
(Nalaina tao amin'ny vetso.serasera.org)
Veloma ianao Shoan, Hoy ny namana sy fan
Veloma ianao akia, Hoy ry Barbies
Veloma no amen, Hafatry ry ken
Veloma ianao Shoan, Hitraka izahay na fanina

Ny fotoana izay niarahana, Teto am-pandalovana
No tapitra nifarana ho lasam-pahalovana
Fa ireo fiaraha-mamy, niraisantsika dia
Hijanona ho tantara, tsiaro ho doria

Ny lalanao no tapitra, ny fiainanao no vita
F’ireo fifalianao, niampita dia niampita
Ilay tsikinao mpandresy , ny hetraky ny tany,
Hijanona ho anay , ny heriny tsy ho lany

Ireo sangy, vazivazy, somonga sy ny sisa
Hijanona ao am-po , ho lasa fitanisa
Ireo traik’efa nozinara, nentinao nisera
Ho tsangambatonao, sarotra azera

Ny lalanao an-tany, nandalo taminay
No tapitra sy vita, izay no anjara izay
Fa ny soa navelanao, ny mamy izay napetraka
Hampitraka anay, raha toa izahay ka ketraka

K’isika raha hisaraka, noho ny lalàn’ny tany
Dia veloma avy ao am-po , no manohy izany
Ka ny teny farany, “Mandria am-piadanana “
Ireo tsiaro avelanao, tehirizinay an-tanana

Veloma ianao Shoan, Hoy ny namana sy fan
Veloma ianao akia, Hoy ry Barbies
Veloma no amen, Hafatry ry ken
Veloma ianao Shoan, Hitraka izahay na fanina
--------
Rohy:
3165 2
Hevitra mandeha
ikalamako ( 07/07/2010 08:42)
veloma njy ry miss !!!
bichette ( 07/07/2010 13:37)
Fandalovana tokoa ny ety an-tany.
maeva74 ( 09/07/2010 16:55)
Veloma ianao Shoan, Hoy ny namana sy fan
Mankasitraka an'i Raozy
fabrice1995 ( 31/08/2012 19:32)
zan ka tononkalo
Hametraka hevitra
Midira aloha
Momba ny tononkalo
Mpanoratra : raozigasy
Nampiditra : raozigasy
Daty : 06/07/2010 22:54
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0276