Malalako fahiny (Rdr_jr)

Tsiaro sisa no manako
Sy mitoetra ato anatiko ato
Ry malalako fahiny tsy foiko
_*_
Tantara sisa no injao voavisavisa
Ny fiarahantsika sy ireo tsy voatanisa
Ry malalako fahiny any ho any
Tsy mampino ilay fitiavantsika t@ izany
_*_
Soratra sisa no mba tsiaro
Ilay fitiavantsika mifangaro
Ry malalako fahiny toa hafahafa
Tafasaraka nosoparan'olokafa
_*_
Tononkalo sisa no mba vetsoko
Hasoloko ireo halahelo sy toloko
Ry malalako fahiny tsy foiko
Ny anaranao no kaloiko
--------