AIZA IANAO? (RFE Andria)
Pas encore lu
(Nalaina tao amin'ny vetso.serasera.org)
AIZA IANAO?Manjombon'endrika akia
iny faravodilanitra iny
nosangian'ilay fitia
mampahatsiahy ny fahiny
Manamaloka ny tava
efa lanahin'ny hatsiaka
malahelohelo lava
mahatsiaro ny amintsika
Any mantsy ianao izao
toa ahy singan-drery
mitoloko, mitalaho
mitaraina, miari-pery
Izaho aty manimanina
manembonembona ery
mila tsy hahatelin-kanina
isan'andro mihamahia
Toa tsy andriko ny andro
hihaonantsika roa indray
hibaliahan'ny masoandro
ho lohataona fehizay
RFE Andria - 15/07/2016
--------
Lien: