EO FOANA (RFE Andria)

Mbola tsisy niantsa

Hangataka antsa
(Nalaina tao amin'ny vetso.serasera.org)
EO FOANA

Raha mbola mamiratra ny masoandro eny an-danitra
dia fantatro hatrany fa eo foana Andriamanitra
ka na inona hidona, n'inona n'inona hihatra
izaho hatoky Azy hatrany amin-toky feno fatra

Mety ho maloka ny andro angamba semban-drahona
ka manao totoafo ny mangidy sy ny vahona
azoko antoka anefa ireny fa miserana, mandalo
ka tsy hataoko hahakivy na hoe koa hampimalo

Ny ho avy no banjiniko sy ny sandrim-pitiavany
ny nitantanany ny fiainako an-tsakany sy an-davany
ka eo Aminy irery no misy ny fanantenako
izay no ataoko ambentin-teny sy atao manakoako

Raha mbola mamiratra ny masoandro eny an-danitra
dia fantatro hatrany fa eo foana Andriamanitra

RFE Andria - 30/09/2016
--------
Rohy:
1218 0
Hametraka hevitra
Midira aloha
Momba ny tononkalo
Mpanoratra : RFE Andria
Nampiditra : arofanina
Daty : 30/09/2016 15:58
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.011