FANAKONA-MASOANDRO (RFE Andria)
(Nalaina tao amin'ny vetso.serasera.org)
FANAKONA-MASOANDRO Nahita aho dia ahoana?
Ny fiainako eny foana
ny anjara hasambarany
toa takon'ny tantarany
dia tantaram-pahantrany
hany hitany eto an-tany...
Eny e! soa aho nahita
teto fa tsy tany am-pita
masoandro takom-bolana
volana misolantsolana
te hanamaizina ny tany
efa rakotra tomany...
Volana ô! aoka izay!
aleo ny masoandronay
hitohy hamiratra hatrany
f'aza takonana izany
hanomezany hafanana
anay mangentana sy ana...
RFE Andria - 01/09/2016
--------
Lien:
Fans:
henuka