FANANTENANA (RFE Andria)
Pas encore lu
(Nalaina tao amin'ny vetso.serasera.org)
FANANTENANAAvia! Avia ô ry Fanantenana!
Meteza ho mponina anatin'ny foko
Hanototra indray ireo fahabangana
Sy hanalama ao ny marokoroko
Tohofy fitia ireo molotro maina
Tohatohano aho fa hila halemy
Izany fanahiko efa mangaina
O! sakambino fa mandalo memy
Ny vatako lanaky ny nandry fotsy
Ny saiko torovana niady irery
Fihimpihino amin'ny rotsirotsy
O! mba tantano sy tafio hery
RFE Andria - 03/08/2016
--------
Lien:
Catégorie :
fanantenana - fiainana