HODY AHO (RFE Andria)
Mbola tsisy niantsa
(Nalaina tao amin'ny vetso.serasera.org)
HODY AHOTapak'hevitra ny saiko:
tapak'hevitra aho fa hody!
Hody aiza anefa? Tsy haiko,
ts'isy hodiana! Aza manody
Moa hody any amin-kavana?
Tena hevitra tsy mety;
ireny toa manavangavana
raha tsy hoe ianao mirenty
Ny any ambanivohitra any
tsy tranon-dray, tsy tranon-dreny
raha tsy hody vovoka sy tany
lasa indray mpirenireny
Tapak'hevitra aho sakaiza:
hody aho fa tsy tamàna!
Hody aho! fa hody aiza?
Toa hevi-ganagana...
RFE Andria - 13/10/2016
--------
Rohy:
Sokajy :
fiainana