INAY ANIE AHO... (RFE Andria)
Pas encore lu
(Nalaina tao amin'ny vetso.serasera.org)
INAY ANIE AHO…Inay anie aho ho toy ny voromanidina
Rehefa ho any aminao dia tsy mihodidina
Fa avy hatrany manao hitsin-dàlana
Dia tonga matetika fa tsy mahalana
Inay anie aho ho ilay tsio-drivotra
Manafosafo tsy mba mihodivitra
Manoroka mora ny takolakao
Isa-minitra dia eo anilanao
Inay anie aho ho ilay tana-masoandro
Mitondra hafanana raha vao miranandro
Mandokoloko an’ilay fitsikiana
Eo an-tavanao malala sy tiana
Inay anie aho ho ilay rano fisotro
Tsy misaraka aminao ao anaty sarotro
Manala hetaheta sy mamelona aina
Manome hafaliana anao sombinaina
Nefa satriko ihany ny ho toy izao
Manjaka irery ao am-ponao ao
Hany eto an-tany amborahanao
Ireto teny ireto hoe : «TIAKO IANAO ! »
RFE Andria – 26/04/2015
--------
Lien:
Catégorie :
Fitiavana