JOYEUX ANNIVERSAIRE (RFE Andria)
Pas encore lu
(Nalaina tao amin'ny vetso.serasera.org)
JOYEUX ANNIVERSAIRE! Vita sikotra ato anaty
Tsy ho voakoso-mandra-maty
Ny daty nahaterahanao
Hatramin’ny nahalalako anao
Andro iray irariako
Isambaranao ry tiako
Ho ampoky ny hafaliana
Hiainanao taona zina
Ka homarihiko anio
Ny fanomezana, fidio:
-Oroka mitafotafo
Sy fihina ary safosafo
-Sa kosa mofo mamy
Sy sakafo tsy ho lany?
Aza ianao misalasala
Fa hotoaviko malala
Dia hoy aho miserasera:
“Joyeux anniversaire!”
Tsiky Arofanina - 25/10/2015
--------
Lien:
Catégorie :
Tsingerin-taona