MISAOTRA (RFE Andria)
Pas encore lu
(Nalaina tao amin'ny vetso.serasera.org)
MISAOTRA RAY… !Misaotra Ray
fa nomenao aina indray
na tsy mendrika izahay
tsy nataonao antsonjay
hatrizao ka hatrizay
Misaotra Ray
noho ireo heloko voavela
na ny vao na ny ela
nanapoizina ny sela
ka nampamadibadi-dela
Misaotra Ray
ny amin’ny tanjaka sy hery,
nanasitrana ny fery,
tsy namela anay ho irery,
tsy nandao anay ho very
Misaotra Ray
fa nanehoanao fitiavana
tamin’ny nanirahanao havana,
sakaiza tsy nanavangavana
nikarakara tomandavana
Misaotra Ray
noho ireo soa sesehena
mihoatra lavitra ny harena
tsy nosandaina fa nomena
tsy nijerena fahalemena
Tsiky Arofanina – 28/09/2015
--------
Lien:
Catégorie :
Vavaka