NY TENY SY IZAHO (RFE Andria)
Pas encore lu
(Nalaina tao amin'ny vetso.serasera.org)
NY TENY SY IZAHO Eny,
raha ny Teny
no ambara
sy arakitra ho tantara,
dia ekeko letsy
fa izaho tsy mbola fetsy
ka handeha hitetateta
hitonona ho poeta
Saingy,
tsy hoe mirengirengy,
fa mamelà letsy ahy
noho ny aingam-panahy,
mba hamoaka eto ihany
ny rediredy sy vinany
Ny sarin-teny toa tsy haiko
- mivantambatana ny saiko -
ny gadona ary koa ny rima
tsy voahajako fa sima
Nefa,
izaho mba te handefalefa
izay mibahana ato am-poko
izay hita sy tsaroako
Ka aoka letsy aho
- tsy hoe hizahozaho -
hanoratsoratra eto kely
na dia hoe tsy ho maodely
RFE Andria - 03/06/2016
--------
Lien:
Catégorie :
Aingam-panahy