OMEO HERY AHO (RFE Andria)
Pas encore lu
(Nalaina tao amin'ny vetso.serasera.org)
OMEO HERY AHORay o!
Omeo ahy ny herin-tsaina
mba tsy hampiferinaina
manoloana izato ady
efa atrehiko sahady
Omeo ahy ny herim-po
hampitraka indray ny loha
hanantena fandresena,
ilay natolotrao, nomena
Omeo koa herim-batana
hery afaka mitantana
ity tenako malemy
mandalo fitsapana, memy
Omeo ahy herim-panahy
handreseko ny ahiahy
izay tena mila hanafotra
sy mitady ny hamatotra
Omeo ahy indray ny hery
ilay avy Aminao irery
hanarina ahy rehefa reraka
sy hanasitrana ahy tanteraka
Amen!
RFE Andria - 26/07/2016
--------
Lien:
Catégorie :
Vavaka