RESY AN'ADY (RFE Andria)
Pas encore lu
(Nalaina tao amin'ny vetso.serasera.org)
RESY AN’ADY…Hionona aho raha tsy tiana f’efa izay no anjarako
Lasa feno fahoriana sy ranomaso ny tantarako
Ny alahelo tsy haiko afenina efa mahamenatra olona
F’efa niady aho ka dia resy ilay fitia vao namololona
Ady mantsy hono ianao, eny ianao ra-Fitiavana,
Dia nalavonao ity foko teo an-tany hay sy ngazana
Fa nipitsika ianao ka namela ahy ho irery
Na ny lalana ivoahako toa nanjary teritery
Izay havoaky ny ampitso no tsy fantatro hoe ahoana
Fa ny androany aloha no tsapako ho fongana sy foana
Raha ny hevitra mba hitako dia ny tokony hikoloana
Ireto akoho taman-trano tavela sisa eto anoloana
Atataovy aho rey olona fa ny entako mavesatra
Mba tantano sy toroy fa aza avela hibolisatra
Mba ho azoko ny lesona nisarahan’olon-tiana
Ka hahay hitondra tena tsy hiboredika fa hangina
RFE Andria – 25/05/14
--------
Lien:
Catégorie :
Fisarahana