SOSON-TEBOKA TELO... (RFE Andria)
(Nalaina tao amin'ny vetso.serasera.org)
SOSON-TEBOKA TELO...Mizotra mankaiza ity làla-diaviko
toerana aiza no mba hiafarany?
Ho soa sa ho ratsy izany hoaviko
ho lokoin'ny tsiky sa hampitomany?
Baraingo iray na teboka telo
no azoko asetry ny fanontaniana
Tsy ahy ny ampitso mamelovelo
ka hoe hofenoiko famalifaliana
Ny hany mba tena azoko atao:
mivavaka mafy sy amim-pinoana
horavaham-pitia ny làlako izao
ho jiro mitaratra eo anoloana
Arivelo Naivo - 09/11/2016
--------
Rohy:
Sokajy :
Eritreritra mandalo - fiainana