TSINGERIN-TAONA (RFE Andria)

TSINGERIN-TAONAKO

Ny tsingerin-taona nahaterahako
Tsy raharahako
Na tsy misy mahatsiaro
Na tsy maro
Fa fotoana iray izay anolorako
Amim-peo goragorako
Ny fisaorana eram-po sy am-panahy
Ilay Ray nitahy
Eny, Tompo, mankasitraka indrindra
Ireo rindra
Nandaminana, nitondranao ny fiainako
Tsy voasainako
Ekeko, sady raisiko amim-pitsikiana
Ny fitahiana!

RFE Andria - 21/12/14
--------