TSY TE... (RFE Andria)
Pas encore lu
(Nalaina tao amin'ny vetso.serasera.org)
TSY TE...Izaho tsy te hanaloka izato hafaliana
izay hita soritra an-daingon-tavanao
ka dia miezaka aho amin'ny fitsikiana
na rakotra alahelo aza ao anatiko ao
Izaho tsy te hisompatra izato hasambarana
ilomanosanao hitako isan'andro
ka dia aleoko ny ahy no hany hosomparana
sy hitakokoana fa maizina atoandro
Zarako aza ianao mifaly ka dia misambara!
Mitsikia hatrany toy iry volana baliaka!
Angamba ireny hitaratra eto am-parafara
k'hitondra nofy mamy ho ahy te hisariaka...
RFE Andria - 04/05/2016
--------
Lien:
Catégorie :
fiainana