TSY TE HAHALALA (RFE Andria)
Pas encore lu
(Nalaina tao amin'ny vetso.serasera.org)
TSY TE HAHALALA …Izaho akia malala efa vonona dia vonona
Ny hihaona aminao any Ambohitsitononina
Hatry ny fony aho nampiomana omaly
No efa tsindrian-daona ny foko falifaly
Fa raha ny hariva no tianao hahatongavako
Tsy maninona izany fa hotoviko rahavako
Izaho tsy te hahalala izay mpiray tanàna
Fa efa dodona aho izany, ny tenako mafana…
Tsy hatreo am-baravarana aho akory no hijanona
Izaho tsy te hahalala izay vahoaka vory lanona
Fa ho anao no hihaviako…
Ianao no faniriako…
Satria ianao no tiako!!!
Tsy andriko ny ampitso fa aleo mihitsy androany
Izao ankehitriny dia hiomana aho hankany
Ny retsiky ny vatanao mifameno amin’ny ahy
Dia ampy hianohantsika fa aza ataonao mampanahy
Tsy ho adala irery ianao, fa eo isika hiara-adala
Hasafotofotom-pitia; sa tsy izany akia malala?!!
Noho izany aho tsy hiverina fa handroso foana hatrany
Fa izaho tsy te hahalala mandra-pahatongako any
RFE Andria 28/07/14
--------
Lien:
Catégorie :
Fitiavana