RATRA... (Rolly Casimir)

RATRA.....

Tsy diso akory ianao fa...
Nitsiky mihitsy izy ilay hitanao androany
Fihetsika namboarina iny fa ny anatiny any
Misy fery lalina sy jaly tsy voafafa
Ny efitranon-tsainy.....feno ratraratra
Sy sento mankadiry
.....
Nambomba hirifiry
Ilay habaky ny tsiky nomeny taminkeo
Fa iny vatany iny efa tofoka sy leon'
Ny fahorina maro nianjady tamin'ny fony
Mizotra ny fotoana fa tsy nahafafa akory
Ny ampaham-pahoriany
......
Marary 'zao izy iny
Fa niezaka nitsiky mba ho mari-panajana
Izy koa mahatsapa fa malama dia malama
Ny lalana hizorany manomboka androany
Nanaovany veloma ilay torimaso mamin'
Ny vaingam-pahasambarany
.....
Hisaona ny tantarany
Nilomanosan-tsento ny tena faniriany
Endrika namboarina iny miramirana iny
Sy fihetsika niniana hanafenany ny ratrany
Nikomy mangingina ilay fo t'anaty vatany
Teo am-pahitana anao
.....
Amin'izao minitra izao dia...
Manonona tso-drano mifono ranomaso
Manolotra fisaorana ny lasa feno ankaso
Ny fony mihosin-dra voatsatokao ny lefona
Oroka mangina tamin'ny anatra sy lesona
Nomenao tamin'ny fiainany

✓Rolly Casimir✓

"Ny tena soldat, maty izay vao resy"
--------