Tolona (Tsiky dia ampy)

Tolona ao anaty
No hany sisa adiko
Nilaozan'ny safidy.
Tolo-mandra-maty
No lalana hodiaviko
Ao anatin'ny mangidy
Tolom-pihafiana
Hanaiky ny ho irery
Ho tokana doria
Tolon'ny tsy tiana
Zara manan-kery
Hahafahana mitia

Tolon'ny mahantra
Tsy mba manam-bola
Hambaboana sento
Tolon'ny tsy zatra
Menatra hidola
Na mba manam-betso
Tolon'ny malemy
Resy tsy miady
Mataho-maso-mena
Tolon-tsy aki-teny
Fa sasatra sahady
Tolona ekena.

Izany no mba toulko
tolona tsy zaka.

1/10/97
--------