Tsy azoko lavina (Andriamihaja Johan (H-mainty))
Mbola tsisy niantsa
(Nalaina tao amin'ny vetso.serasera.org)
Tsy azoko lavina!Tsy pika marevaka talakin’ny maso, ‘zay samy hafa loko
Na raozy madera eny antampon’Ankatso no mami’ny foko
Fa violety kely tsy be mpahalala fa takon’ny ravina
Io no voafidy ho any malala ka tsy azoko lavina
Tsy ‘rony mamiratra be rentirenty, toa volombolory
Na vonin’avoko eny antampo-tanety, tsy ireny tsy akory
Fa bitika kely mandady amin-tany ka saro-tadiavina
Nefa mpanjakan’ny foko hatrany ka tsy azoko lavina
Ny lamba itafiany tsy dia sarobidy na ambony karazana
Na volory tsara natao tsaradidy, tsy izany no tazana
Fa lamba zandiana tsy dia maro loko sy toa kararavina
Nefa na izany aza mamin’ny foko ka tsy azoko lavina!
A.L.J.
30-04-05 11h24
--------
Rohy:
Sokajy :
fitiavana
Hevitra mandeha
osrabn
(
23/05/2005 18:26)
Tsara be 'lay tononkalonao. Tena tiako be. Ary angamba raha azo atao dia ataoko famenony ilay tononkaloko mitondra ny lohateny hoe: Tsy noho ianao...
Mahafaly Barson Lahivelo
Mahafaly Barson Lahivelo
johan
(
31/05/2005 09:14)
misaotra anao namaky! tsy maninona mihintsy fa azonao atao kah!
zakilinina
(
18/08/2005 16:16)
Sarotra ny mandainga fa kanto ity tononkalo ity. Ny gadona dia tsy haiko kianina fa voapetraka tsara amin'ny toerany avy ny teny tsirairay. Ny rima dia voakaly(indroa miditra isan'andàlana). Misy tokoa ny fiezahana mampiasa voambolana tsy dia fampiasa loatra kanefa tsara toy ny "lamba zandiana", "talaky", "kararavina". Mahay mampiady loko koa ny mpanoratra.
Ny tsininy angaha dia ny fahadisoana tsipelina izay manalefaka kely ny kalitao eny fa na dia vitsy aza izany. Ohatra : "mamin'ny foko" (andal. 2); "an-tampon'Ankatso" (andal.2);"Hany malala" (andal.4);"an-tampon-tanety (andal. 6)"; "tsara tadidy" (andal.10).
Raha fehezina dia omena isa dimy izy ity. Tohizo fa tsara !
Ny tsininy angaha dia ny fahadisoana tsipelina izay manalefaka kely ny kalitao eny fa na dia vitsy aza izany. Ohatra : "mamin'ny foko" (andal. 2); "an-tampon'Ankatso" (andal.2);"Hany malala" (andal.4);"an-tampon-tanety (andal. 6)"; "tsara tadidy" (andal.10).
Raha fehezina dia omena isa dimy izy ity. Tohizo fa tsara !
minoucsh
(
06/09/2005 13:45)
Tsisy ambara aho eo anatrehan'ny hakanton'ilay asa soratrao, tena tsara!
tohizo fa tsara.
tohizo fa tsara.
johan
(
12/09/2005 13:07)
misaotra ze namaky eh! de misaotra nanitsy! mazotoa daholo
johan
(
12/09/2005 13:07)
misaotra ze namaky eh! de misaotra nanitsy! mazotoa daholo
pouty5
(
12/09/2005 14:56)
tiako be le izy, raha mba izaho no misy manoratra toy io an, faly be za.
tohizo foana Johan fa tsara ah!
tohizo foana Johan fa tsara ah!
pissoa
(
04/10/2005 13:07)
tena tsara - tena tsara - ...
tiako be, manomboka amin'ny teny tsirairay ka haramin'ny firafitry ny tononkalo iray manontolo.
tiako be, manomboka amin'ny teny tsirairay ka haramin'ny firafitry ny tononkalo iray manontolo.
Hametraka hevitra
Midira alohaMomba ny tononkalo
Mpanoratra : Andriamihaja Johan (H-mainty)Nampiditra : johan
Daty : 30/04/2005 09:22