ANDRAMO ka ZAHAO! (ANDRINIAINA1)

Andramo ka zahao!

Andramo tokoa ka zahao;
Eo anivon'ny fiainanao.
"Fa tsara tokoa ngeh Andriamanitra"
Ry mpanompo mbola miahotra.

Andramo tokoa ka zahao;
Fa ho hitanao sy tsapanao:
Fa IZY Tompo tsy mandao;
Ary eo foana, miaraka aminao.

Andramo tokoa ka fantaro;
Fa IZY Tompo dia miaro:
Ireo zay miankina sy mialoka AMINY,
Ka mitso-drano ny taranany!

Andramo tokoa ka jereo,
Amin'ny zavatra rehetra miseho:
Fa rehefa ny Tompo no mitahy;
Dia resy avokoa ny ahiahy.

Dia aza malain-kino,
Na moramora manadino:
Ny fitiavana sy famonjen'ny Tompo anao,
Isan'andro vaky izao.

Koa andramo ka zahao;
Ary torio sy tantarao:
Amin'ny olona rehetra,
Ny famindrampony tsisy fetra.

Andramo ka zahao
Ambarao sy lazao:
"Fa tsara ny manompo;
Mankalaza an'IZY Tompo!"

Andramo ka zahao;
Ary iaino @ fiainanao,
Fa tsara Jehovah,
Tsara Andriamanitra!

ANDRINIAINA1.
--------