MIZOTRA MANKAIZA (DADAFARAtolotra)

Ditsoka ny maso, anatin'ny alina mafaitra
Naratranao ny foko, ka manjary tsy miraika
Tsy mitempo an-kafa, raha fitia no holazaina
Mahantra filaminana,misafotan'adin-tsaina

Aiza kay no lahatra, voatondro mba hizorana
Iza koa no lamba, fa voatendry hisalorana
Mangovitry ny lasa, ny fiainan'ny tontolo
Ka akoakon-tsento,injao no mifanolosolo

Ho sitrana ihany ve, amin'ny andro tsy hay faritana
Moa hahazo trondro, raha hamovo sy hamitana
Fa mbola tsy salama, ilay tànana fitiavana
Tsy afaka mandray,sy tsy mahita fiantsapazana

Tsaboina ianao ry fiainana, manomboka androany
Hivingitana tantely, sy hivatsiana zava-mamy
Bedesina hanadino, irony lasam-pahoriana
Ka hianoka fitiavana, amin'ny tena olon-tiana
Rehefa any aoriana!
--------