NENINA (DADAFARAtolotra)

Raha mba tsy nomeko ny foko manontolo
Dia tsy mba toy izao,
Sento tsy ankiato no mifanolosolo
Fa nofitahinao,

Ianao nataoko ho vady, mba andry azo hifotorana
Ka dia mba notolorana,
Nomeko fahasambarana, nomena fahadiovana
Izaho kay fandalovana,

Jamban'ny fitiavana aho, ka tsy nisaina akory
Dia niaraka natory,
Indrisy kay ry lasa, fery tsy hay sitranina
No indro tafajanona

Ranomaso lava, rofy sy tomany
Manako anatiko any,
Mameno ny ato am-poko koa ny ratram-pahantrana
Ny lamba tsy hay sasana

Harariko ho anao, ny fondro sy ny tsiny
Nasalotr'ahy fahiny,
Noho izany : ianao ankahalaiko
Fa ny zanakao tazaiko
Ho solon-tsika roa...
--------