Lasa tia (Ny Avo Elabakaka)

Nisosa teo ny volana, dia nihodina ny taona,
Izaho sy ianao tsy niova, fa mpinamana eny foana
tsimbotry niaradia, ary mbola lavorary
hatramin'izao isika tsy nisy nifanary,
fa tato ho ato izay, tsy haiko hoe nahoana,
f'isika nihatanora, dia nisy koa nivoana,
ny tato am-poko tato,
ilay fotsifotsikely nanaingo ny fontsika, no lasa nisy tasy
mena midorehatra,
kanefa tsy hanaratsy a,
fa fotsiny hampiova ny fifandraisantsika,
hifamatotra kokoa,
nanery ny atifoko,
hijery ny foanao,
ka mialatsiny akia, a, fa lasa tiako ianao.
--------