" INONA IHANY?..." (IaroMalala)

INONA IHANY?...

Rehefa injay ianao
toa mientam-paniriana,
Tsy mahagaga moa fa:
"Misy raozy tiana"
Dia,
Izany no fitiavana!

Avy eo ianao
Mitsikitsiky kely,
Dia io fa lasa saina
Sy tsy ahitàna teny.
Dia,
Izany ilay fitiavana!

Nony aty aoriana ianao
Niditra am-piangonana,
'Nde mba hanamasina
Ilay fitia nitonantonana.
Tena,
Izany no fitiavana!

Rehefa injay ianao fa,
Rotik'adi-saina,
Ary vetivety eo...
Toa tsapanao mangaina.
Eny,
Izany ilay fitiavana!

Ary...Injay ianao fa:
Kamo mody an-trano,
Manampy izany indray
Io ianao fa mamo.
Dia,
Izay vao tsy fitiavana!

Fa raha fitia no sainina?
Dia valaka eo ianao
Fa ny ati-doha foana
No mandraingy fanimpanina!.

IaroMalala
"11 May 2013"
--------