Niangaranao (Lee Andrianalaina)

Nantsain'i ikalamako
(Nalaina tao amin'ny vetso.serasera.org)
Niangaranao


Niangaranao aho ry tany
Fa sento lava no iainako
Niangaranao ka tomany
Nefa iza no itarainako

Niangaranao aho ry vintana
Ka very anjara nantenaiko
Tsy tazako intsony ny kintana
Izay nampaherezako ny saiko

Niangaranao aho anjarako
Ka tomany misasak'alina
Manembona ireo tantarako
Mahatonga ilay sento lalina

Niangaranao aho ry foko
Fa diso fiantefa ilay safidinao
Indrisy fa notsenain-toloko
Ilay vavahady tsy nahidinao..

Tsy niangarano kosa aho ry lanitra
Eny, na izao aza manjoy fa inoako
Manampy ahy foana ilay Andriamanitra
Hamafa hatrany ireo fahadisoako



John Andrianalaina(D-J-L-A)
24 septembre 2021
--------
Rohy:
407 2
Hametraka hevitra
Midira aloha
Momba ny tononkalo
Mpanoratra : Lee Andrianalaina
Nampiditra : David John Lee Andrianalaina
Daty : 27/09/2021 19:52
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0099