ETSY SY EROA (NY HARIAINA)
Mbola tsisy niantsa
(Nalaina tao amin'ny vetso.serasera.org)
Etsy sy eroaIretsy:
Mitarehin-katezerana,
Mivana tsy azo ferana
Mivoara-mena romotra
Mirintona sy sosotra
Tokoa fa tena rangitra
Miridy mafy:dangitra
Ireto:
Mifaly sy mitsiky,
Mihomehy sy mitokiky
Latsaka sy ripaka,
Mitokelaka mibitaka
Lavitry ny ho litika,
Ravo mivanitika
Izato ianao kosa,
Io miseho variana
Tonga atsy dia hifosa
Handatsa sy hanakiana
Tsy mba mahay mangiana
Fa faly handany rora
Haneso sy hanakora
Ity izaho aza,
Manao be filaza
Mitsaratsara loatra
Miteny tafahoatra
Tia manombantombana
Kanefa tsy tomombana
Aleo hametra-penina
F´andrao hitsako nenina
Sy ho voatora-bato
NY HARIAINA
04.01.2012
--------
Rohy:
Mpakafy:
iasara
Hevitra mandeha
iasara
(
11/02/2012 19:01)
mahafinaritra eh,kanto,mahaliana,..manana tanora afaka anandratra ny asa soratra malagasy ny firenena.misaotra sy mankasitraka Ny hariniaina.
nyhariaina
(
13/02/2012 14:14)
*NY HARIAINA azafady fa tsy Ny Hariniaina
Tsy misy fisaorana Iasara a! Efa rá mikoriana ilay fanoratana dia tsy mety ho afaka intsony.
Tsy misy fisaorana Iasara a! Efa rá mikoriana ilay fanoratana dia tsy mety ho afaka intsony.
