Inona moa izay izaho? (RAKOTOMALALA Tanjona Mandimbison)

Inona moa izay izaho?
Toa ravin-kazo sara-taho...!
Mitia tsy mba misy mpangoraka
Vao miroso dia maro mpitoraka...!
Inona moa izay izaho?
Raha mba mitory fitia aminao
Lazaina fa hoe adalana
Nefa fitiavana tsy tana!
Inona moa izay izaho?
Marary e!fa nolavinao!
Niteny tsy mba nohenoina...
Fa ny hafa kosa antsoina!
Fa inona moa izay izaho e?!
Mitoloko,fa nilaozanao...!
-Fitampodian'ny tsiaro manoina...
Tiako alevina fa saro-bonoina...!
--------