Aoka ianao ... (Pissoa)

Raha mandalo izy androany,
Meteza ianao ry diam-peniko
Hampahatsiaro azy indray
Ny alahelo tsy nafeniko.

Raha mandalo izy androany,
Dia aoka ianao ry tandindoko
No hovantaniny ato an-trano,
Hanolotra azy ireo fivimbiko.

Raha mandalo izy androany,
Dia ianao sisa ry sariko
No mety handefasany vinany,
Hitanisa ny toetra ratsiko.

Raha mandalo izy androany,
Dia ny akonao sisa ry feoko
No handrotsirotsy ny fanahiny,
Na hampatsiahy azy ny hehiko.

...

Rehefa handalo eto izy mantsy ...
Izaho efa tapa-kevitra
Ka na hikiaka izy , hiantsoantso
Dia ho toy ny any an'efitra.

Pissoa
--------