Izaho, hono, poety ! (Pissoa)

Mbola tsisy niantsa

Hangataka antsa
(Nalaina tao amin'ny vetso.serasera.org)
Izaho, hono, poety !

Izaho, hono, poety !
Nefa nony injay fa reko mikorontana ny taniko
Tifitra misesisesy, herisetra tsisy farany
No misolo "Fihavanana" ! Voazimba ilay akaniko ;
Dia tsy hita izay voasoratro hamiliana ny tantarany.

Izaho, hono, poety !
Nefa nony injay tsaroako irony ankizy tsy ampy taona
Izay midradradradra anaty, miandry rariny hanjaka
Fa nolotoina an-kerisetra nefa dia teren-kimoana !
Dia tsy nisy mba voasoratro, na teny kely aza hampitraka.

Izaho, hono, poety !
Nefa nony injay niofo ny fitiavan'ny malalako
Ka tsy hisy intsony "Izahay", na matotra na vazivazy ;
Dia nihodonako ny tsiky namemoany ny tantarako
Ka tsy nisy mba voasoratro ho fanehoam-pisaorana azy.

Izaho, hono, poety !
Nefa nony injay heveriko fa tsy mendrika intsony
Ny fitaizana izay atolotra ireo tompon'ny ho avy ;
Dia mitaraina ny fanahiko, ny eritreritro tsy tony !
Nefa tsy hita izay voasoratro ... Moa tsy izaho no mpamosavy ?

Nefa izaho, hono ... poety !
--------
Rohy:
Sokajy : Kolontsaina
2277 1
Hevitra mandeha
hery ( 24/06/2009 09:21)
Mahagaga tokoa.

Izaho aza mahavita manoratra tononkalo ho an'izao zanak'olona rehetra izao... fa nony teraka ny zanako, hatramin'izao mbola tsy nahasoratra foana :-)

Sa ve io ilay hoe "Ianao anaka eto amiko foana"...
maeva74 ( 24/06/2009 12:06)
Sa ve io ilay hoe "Ianao anaka eto amiko foana"...Hery ohatry ilay hoe: " ny zanaka mpanao kiraro ihany no ratsy kiraro sa ahoana???
sakaymena ( 24/06/2009 12:25)
yeh tena marina zany pissoa ah
Zozoro ( 25/06/2009 19:03)
Tena mankasitraka pissoa a! poeta ianao ka! ankafiziko ary iainako avokoa ny vetsonao rehetra.
Maromaroa ny toa anao.
Misaotra e!
toetra ( 25/06/2009 21:38)
Ilay andininy voalohany no tena nanaitra ahy satria mampahatsiahy ny adidin'ny poeta amin'izao raharaham-pirenena mavaivay izao. Mankasitraka Pissoa.
oliviah ( 27/06/2009 10:22)
izaho tsy poety,fa mahita fa mitombona io
zoniaina sandratra ( 29/03/2018 09:09)
Mahafinaritra ny mamaky ny tononkalonao
Hametraka hevitra
Midira aloha
Momba ny tononkalo
Mpanoratra : Pissoa
Nampiditra : pissoa
Daty : 23/06/2009 08:39
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0105