manga (ranaivoharijaona rado liantsoa)

Moa tsy hasambarana
Mandona varavarana
Itsy zaza manga
Mitsiky a-nify banga

Volo tsara randrana
Toa vony maitso mavana
Fiotin-jaza vavy
Ho fanaingona vazy

Ny haniny maledaka
Mitondra maninteraka
Filana manadala
Tsy ahatsapana reraka

Lay tsikiny miely
Reo fandaigana kely
May nanosika ahy
Hanaraka am-panahy

Nahoana loatra ary aho
No de rendrirendrikao
Ry mangamanga havako

Ianao tokoa vare
Lay hatsaran-tarehy
Voatokana ho anjarako ?!...
--------