Ny lanitra no manga (raozigasy)

Mikorisarisa mandrandrandrandran-teny
Misarisari-betso teny rehetra teny
Iny peniko iny

Manangonangon-tranga, havadika ho tantara
Mandrimarima kalo, hatao fambarambara
Iny tanako iny

Manonganonga ainga, manondrotra fanahy
Manandratrandratr’embona, mandrehitra tsiahy
Iny saiko iny

Mientanentan-doboka, mitosatosa-paly
Mibitabita-pihetsika, mampihintsana molaly
Iny foko iny

Fa misy inona hoy ianao ?
Sa misy vaovao ?
Tsy misy raha mitranga
… ny lanitra no manga
--------