Tongava hasina (raozigasy)

Misosa sy mitobaka ny sitraka atoraka
Ny foko tojo izany, faly sy mihoraka
Ireo hafatra napetraka, tena mampahery
Ny mpanoratra no iray, fa ny sorany tsy irery

Mitombo isa hatrany, ireo mpamaky vaovao
Ireo efa teo moa, dia tsy mety lao
Mitaritari-namana, manapariaka an-jara
Sady manao “j’aime” izay tiany fa hoe tsara

Mihamaro koa, ireo manao “partage”
Tsy misy ava-taona, fa tena “tout age”
Ka tena vetivety, satria efa fitonjato
No isan’ny mpamaky ,nitombo be tato ho ato

Ka dia mamerin-tsaotra, manantitra ny sitraka
Ry mpaka fy rehetra, ts’isy avaka na silaka
Fa atao lanja marina, sy lamin-dranomasina
Misaotra re misaotra, dia tongava hasina
--------