ANISAO TOERANA (RFE Andria)
Mbola tsisy niantsa
(Nalaina tao amin'ny vetso.serasera.org)
ANISAO TOERANAMba anisao toerana ao an-tsisim-ponao akia
Ity fitiavako mangina izay toa maniasia
Na fantatro aza f’ilay taloha no tompon-toerana
Dia tsy azo noraràna ity fitia tsy mety ferana
Mba anisao toerana ao an’eritreritrao ao
Ilay nofy tena mamy iarahako aminao
Io no dindo izay navelan’ity fitia tsy voafetra
Na dia tsy hahenika aza ny alinao rehetra
Mba anisao toerana hampisambatra ahy
Ao amin’ny fiainanao, iraisantsika fanahy
Hiarahako aminao isan’andro vaky izao
Hiara-hianoka fitia tsy hay atao an-kila bao
Mba anisao toerana e ! mba anisao toerana
Ilay fitiavako anao tsy mila fanonerana…
RFE Andria – 16/04/2015
--------
Rohy:
Sokajy :
Fitiavana