AZA KIVY , MAHEREZA (RFE Andria)

AZA KIVY, MAHEREZA !

Ho antsika rehetra izay mijaly
Marary, eny koa manaintaina
Aoka ho mirana sy ho faly
Hisaotra mbola velon’aina

Aza atao hoe: izao no anjara
Ka tsy maintsy hozakaina
Mety ho mbola hihatsara
Izay no irariana sy antenaina

Koa fadio izay hoe ho kivy
Aoka hahery fo sy saina!
Ny fisedrana mantsy angivy
Mafaitra fa mitondra aina

Koa mahereza isan’andro
Aoka ho foana ny taraina
Fa mbola io ilay masoando
Mivimbin-tsiky isa-maraina…

RFE Andra – 24/10/14
--------