JEHOVAH NO IANTEHERAKO (RFE Andria)
Mbola tsisy niantsa
(Nalaina tao amin'ny vetso.serasera.org)
JEHOVAH NO IANTEHERAKOMafy, eny mafy, tena mafy ny manjo
raha sainina, dinihina, mila hahavaky fo
tsy misy ety n'iza n'iza afa-hiara-hivongika
'ty fahoriana mianjady efa tena mampihiaka
Ianao Jehovah no hany azoko ianteherana
hany manana fo antra sy fanahin'ny fitserana
Ianao irery ihany no tena azoko itarainana
hany mahalala ny vesatry ny fanaintainana
Ianao no amborahako ny tsiambaratelon'adiko
ny ngidin'ny kapoaky ny fiaina-mangadihadiko
Aminao no iantorahako, Ianao no ianteherako
anio sy ampitso ary rahatrizain'ny fahanterako
RFE Andria - 30/10/2016
--------
Rohy:
Sokajy :
Vavaka