NOFIKO HONO (RFE Andria)
Mbola tsisy niantsa
(Nalaina tao amin'ny vetso.serasera.org)
NOFIKO HONO…Nofiko, hono, io maraina io
Ianao namoha ahy tamin’ny oroka madio
Endrey ny hafaliako nianoka izany
Toy ny am-paradisa fa tsy nandia tany…
Nofiko, hono, indray atoandro izay
Fa izaho sy ianao niara-dia hatrizay
Endrey ny hasambarako, tsy nahitan-teny
Nifalihavanja taminao ombieny ombieny…
Nofiko, hono, fa indray alina tontolo
Izaho sy ianao nitety vony toy ny lolo
Endrey izany hamaminy niarahana nigoka
Sy ny hanitra nanento niarahana nifoka…
Saingy, indrisy!
Fa tsy nisy…
Hay ka nofy ihany
Na nofy tena mamy…
Fa nofy irariana
Ho tanteraka ry tiana…
RFE Andria – 08/08/14
--------
Rohy:
Sokajy :
Fitiavana