NOFY (RFE Andria)
Mbola tsisy niantsa
(Nalaina tao amin'ny vetso.serasera.org)
NOFYEny an'habakabaka eny ny tontolo ihaonantsika
Fonenan-tsoa sy tena kanto izay mazava manjopiaka
Ao tsy misy alahelo fa anjakan'ny fitiavana
Ao isika no mianoka hasambaran-tomandavana
Any ianao dia ahy irery ary izaho anao tontolo
Any ny fitiavantsika manitra sy tokam-bolo
Ny anao voatokana ho ahy, tsy mizarazara intsony
Ny ahy atokako ho anao, soa sy kanto toa vony
Eny izaho sy ianao ihany no mponina miara-dia
Eny isika isan'andro dia samy ampoka fitia
Satria dia tontolo lafatra no iaraha-miriaria
Tontolo nofy tsy ho rava hatrizao ka ho doria
RFE Andria - 27/08/2016
--------
Rohy:
Mpakafy:
romialisonericrafilantsoa