NY ANTOM-PISIAKO (RFE Andria)
Mbola tsisy niantsa
(Nalaina tao amin'ny vetso.serasera.org)
NY ANTOM-PISIAKO…Mety aho fa misaotra nanasa ahy ho namana
Hizara fifaliana ho an’ireo te hanana
Sy andeha hifarimbona hizara ilay fitia
Ny antsika mantsy KANTO fa atao am-POEZIA
Ka izao tontolo izao, hataontsika ampoka
Fitia mitomandavana fa tsy hoe fitia tampoka
Atolotra manokana ho an’ny namana eto
Amin’ny vondron-tononkalo amin’ny aterineto
Izany tokoa mantsy no tena antony isiana
Hizara ilay fitia tsy lany hamamiana
Koa samia maharitra sy mitomban-dahy
Fa antom-pisiantsika, dia ny anao sy ny ahy
RFE Andria – 14/05/14
--------
Rohy:
Sokajy :
fiainana