NY FANIRIAKO (RFE Andria)
Mbola tsisy niantsa
(Nalaina tao amin'ny vetso.serasera.org)
NY FANIRIAKOSao anie ho rovitra ity fitafiako
F’efa aman-taona izao no nihafiako?
Sa mandra-pahoviana no mbola hijaliako?
Anefa tsy izany no mba faniriako…
Izato fitafiako toa vorokitsay
Nolazoin’ny fotoana hatramin’izay
Nolanahan’ny sedra maro mahamay
Naolan’ny olana koa indraindray
Ny nofoko mantsy no tian-kolazaina
Fa io no fitafian’ny olo-miaina
Sanatria akory tsy hoe mitaraina
Fa mbola hitafiako raha zakan’ny saina
Ny faniriako anefa na izany aza
Fitafiana mateza, soa sy mazava
Ankiniko aminao, Raiko, izay sahaza
Matoky Anao aho amin’ny finoan’ny zaza
RFE Andria – 27/10/2015
--------
Rohy:
Sokajy :
fiainana
Mpakafy:
Yanduniaina
Hevitra mandeha
0341063933
(
27/10/2015 15:28)
mahafinaritra izany tonokalonao izany